Arrakasta eta parte hartze handia Parisen buruturiko Euskal Herriaren bakearen aldeko konferentzia humanitarioan, 2015eko ekainaren 11n
2015eko ekainaren 11 honetan, Bake Bidean, Harremanetarako Nazioarteko Taldea, Frantziako Giza Eskubideen Liga, Conciliation Resources, Berghof Foundation eta Bakerako Gizarte Foroak, elkarlanean antolatutako Euskal Herriaren bakearen aldeko konferentzia humanitarioak arrakasta handia izan du, eta antolatzaileak emaitzarekin oso kontent daude.
Euskal Herriko eta frantziako gizarte zibilak, Frantziako Estatuari bake prozesuan parte hartu eta gatazkaren ondorioen auzian neurriak hartu ditzan, elkarrekin egindako deialdia markatu du 2015eko Ekainaren 11 (ikusi erantsitako deklarazioa eta sinatzaile zerrenda)
Aurreneko aldiz, Paris erdi-erdian, parlamentariek, hautetsiek eta elkarte ezberdinek, bai Euskal Herrikoak eta zein Parisekoak, Euskal Herrian bake prozesu baten alde egin dute bat.
Pierre Joxek Euskal Herrian azken lau urteetan gatazkaren konponbide demokratiko baten alde hartutako urratsak aurkeztu ditu, JJ Lasserre, Frederique Espagnac eta Max Brisson tokiko politikarien azalpenekin lagundua, Euskal herriko jendarte zibilak 2011ko Aieteko Nazioarteko Konferentzian geroztik egindako aurrerapenaren neurgailu gisa.
Sarreraren ondoren, konferentzia gatazkaren ondorioen azterketan kokatu da, hots, biktimen eta presoen gaietan, oraindik bide luzea dagoela gogora ekarriz.
Trantsizioko justizia espezialista Pierre Hazanen aurkezpenak, eta Roberto Manrique eta Axun Lasaren, euskal gatazkaren biktimak, testigantzek, euskal gatazkaren alde guztietan eragindako sufrimendua ulertzea erraztu dute, baina baita elkarrizketa, justizia eta ordainaren bidetara ailegatu aurretik beharrezkoak izango diren lan eta hausnarketa handiak ulertzeko ere.
Presoen gaiak eta beraiek bake prozesuetan izan ditzaketen funtzioen inguruko gakoak, Raymond Kendall, Interpoleko zuzendari ohiak, azaldu ditu, bere aburuz presoen askatzerako protokoloak bake prozesu baten parte gisa finkatzea beharrezkoa da. Horretarako beste gatazka batzuetan erabilitako metodoakizan ditu oinarri, eta horren lekukotasuna eman du Gerry Kellyk, MLA. Gabriel Mouesca hausnarketa hau babestu du, euskal preso politikoen inguruko testigantza emanez eta baita bake prozesuaren alde presoek egindako apustua gogora ekarriz.
Azkenik, Michel Tubianak, LDHeko ohorezko lehendakariak goizeko lanen laburpena aurkeztu du eta Serge Portellik Frantziako eta Espainiako estatuei eta ETA talde armatuari zuzendutako eta Estatu frantseseko 110 pertsona esanguratsuk izenpetutako adierazpena aurkeztu du.
Bertie Ahern, Irlandako antzinako lehen ministroak deklarazioa babestu eta ongi etorria eman dio, konferentziari bukaera emateko.
Hemen aurkituko duzue Parise Euskal Herrirako bakearen alde adierazpena:
Eta hemen aurkituko dituzue adierazpen horren 110 izenpetzaileak: